Sport | 22. nov. 2014
EM-bronse til Ina
Ina Grinheim leia 3-0 i semifinalen, men så kom ein skade, ei innhenting og kampen måtte avgjerast på ekstraomgang.
Kjetil Vasby Bruarøylaurdag 22. nov. 2014 07:24
I VM i fjor blei det bronse, i EM året før klarte ho nesten å forsvara tittelen sin.
Då det i år var tid for EM igjen fekk Ina ein litt tøff start, men slo til slutt tyske Sonja Becker 7-4.
I semifinalen mot Madlen Dimitrova frå Bulgaria sto det 3-0 til Ina etter andre runde, men det heldt ikkje heilt inn.
Ina fekk seg ein tur i bakken og vrei foten sin. Kampen snudde og etter tredje runde sto det 4-4.
– I ekstraomgangen får Madlen Dimitrova nokre billige defensive poeng som avgjorde alt, fortel landslagssjef Gjermund Nesland.
Ina kan likevel reisa heim frå Slovenia med ein bronsemedalje.