Sport | 24. okt. 2017

EM-håpet brast for Kolskogen og Noreg

– Dette var synd, vi var svært nær, seier Ole Martin, som spelte heile kampen mot både Hellas og Serbia.

EM-håpet brast for Kolskogen og Noreg
Ole Martin Lekven Kolskogen (nr 14) spelte frå start og heile kampen mot Hellas (bildet) og Serbia. (Foto: Helge Bjørke, NFF)
Kjetil Vasby Bruarøy
Kjetil Vasby Bruarøytirsdag 24. okt. 2017 07:51

Noreg U16 har ikkje noko å spela for når dei møte Gibraltar i dag.

– Eg håper likevel vi gjer ein god kamp, seier Ole Martin «Olis» Lekven Kolskogen til Midtsiden.

Han er del av landslagstroppen som er på EM-kvalifisering i Serbia.

Onsdag i førre veke tapte Noreg 0-1 for Hellas, laurdag blei det 1-2-tap for Serbia.

Les om kampane på fotball.no si side om G16-landslaget.

– Burde slått Hellas

Ole Martin spelte frå start og heile kampen som midtstoppar mot både Hellas og Serbia.

– Det er kjipt å vera ute etter to eittmålstap. Tapet for Serbia var greit nok, men kampen mot Hellas burde vi vunne, meiner Kolskogen.

Hellas skåra på corner etter ein halvtime. Noreg hadde fleire sjansar i begge omgangar, men klarte ikkje å skåra.

– Korleis synest du sjølv at du har gjort det? Var du involvert i nokre store redningsaksjonar eller i situasjonar der det blei baklengsmål.

– Eg føler det gjekk bra. Eg hadde ikkje nokre spesielle avvergingar eller tabbar, men føler eg fekk gjort ein god jobb.

Sett vekk frå resultata synest Ole Martin det har vore ei fin oppleving å reisa til Serbia med G16-landslaget.

– Vi bur på eit fint hotell ein halvtime utanfor Beograd. Det er litt å gjera på her på hotellet, når vi har fri, og søndag hadde vi ein tur inn til Beograd.

Speler neppe frå start i dag

Dagens kamp mot Gibraltar startar klokka 14.30.

Då Midtsiden snakka med Kolskogen måndag kveld hadde han framleis ikkje fått startellevaren, men rekna med at han ikkje skal spela frå start i siste kamp.

– Det er fleire av spelarane i troppen som ikkje har vore på banen enno, så det blir nok ein del andre som speler frå start i dag.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.