Endelausemarka neste
I førre veke starta anbodskonkurransen, og Statens vegvesen førebur seg ved å ta nye målingar i fleire veker framover.


I førre veke starta anbodskonkurransen på både grunnvassbrønner og overvaking, og sjølve prosjekteringstenestene. Dette kjem samla til å ligga i eit prisleie på rundt 30 millionar kroner (5 + 25). Vegvesenet tar likevel ein del av jobben.
I dag var vegvesenet saman med NorConsult for å måla djupna i Svegatjørn.
- Vi skal skaffa nokre grunnlagsdata på førehand og gjer derfor geologiske og geotekniske undersøkingar.
- I tillegg skal vi laga betre kartgrunnlag til dei som får oppdraget med prosjektering, seier prosjektleiar Arne Eltvik frå Statens vegvesen.
Arbeidet ved Svegatjørn kjem til å halda fram i nokre veker før vegvesenet flyttar på seg for å gjera målingar i Endelausemarka, seinare skal dei til Rådalskrysset.
- Det førebuande arbeidet held fram til eit stykke ut i januar, opplyser Eltvik.