Sport | 13. mars 2013

– Endeleg gull

Jentelaget til Os har skapet fullt av sølv- og bronsemedaljar. Onsdag vann dei finalen i vinterserien.

– Endeleg gull
Dei har vunner serien i 1. divisjon, men i cup har det til no blitt bronse og sølv. Men i kveld kunne Os J16 endeleg ta imot ein gullmedalje. (Privat foto)
Kjetil Vasby Bruarøy
Kjetil Vasby Bruarøyonsdag 13. mars 2013 21:49

Jentelaget til Os vann i kveld finalen i vinterserien for J16.

Sotra - Os 2-4 (0-4)
Målskårarar: Andrine Døsen 2, Tonje Lindbom og Guro Drange Veglo

– Jentene leverte årsbeste i førsteomgang og dominerte fullstendig. Vi skapte mange sjansar og kunne fint ha leia endå meir til pause, seier trenar Kjetil Lyssand Lindbom.

– Men i 2. omgang rakna det. Sotra hadde ikkje gjeve opp medan våre jenter truleg var litt prega av den gode starten, og blei litt tatt på senga då vi blei pressa, seier Lindbom om den svake siste halvdelen.

– Men det blei ikkje tøffare etter pausen enn at vi tok sigeren fint i land.

Sølvjenter blei gulljenter

Os J98, med ei handfull 99-jenter, har vunne serien i 1. divisjon i 3 av dei 4 halvåra dei har spelt på full bane, i haust blei det 2. plass. I cupar har dei vore i semifinale eller finale i 12 av 14, og i kvartfinale i Norway Cup.

– Eg unnar verkeleg jentene ein gullmedalje etter så mange gode prestasjonar desse åra, og med det oppmøtet og den innsatsen dei har levert på trening gjennom vinteren.

Os tok seg til finale ved å slå Lysekloster 11-1, Erdal 9-0, finalemotstandar Sotra 5-1 og med 2-2 mot Fyllingsdalen i innleiande rundar.

I sluttspelet vann dei 3-1 over Kvernbit J97 i semifinalen.

Laget stiller no med 15- og 14-åringar i 1. divisjon i jenter 16-klassen. Før seriestart skal dei til helga spela Lerøy Cup, cupen der dei tok bronse i 2012 og sølv etter finaletap mot nettopp Sotra i 2011.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.