Er du god i dødsing?

Dødsstup med løpefart - ettbeinssats, flatt ut i ingenting, så langt ut som mulig, vannrett, arma oppover og bakover som finnene på en Buick-55, beina oppover, magan først, en jevn bue fra ytterste fingerspiss til ytterste tåspiss, ei hengekøye, med det sårbare bukskinnet i peak, før du klapper sammen så nær vannflata at de som står lamslått rundt bassengkanten - og det er mange - ikke har sett om du rakk det eller ikke - kaboff! - så spruten står helt opp til brøstet til kompisen som venter på brettet.

Sånn skildrar forfattar av suksessromanen Seierherrene (1990), Roy Jacobsen, fenomenet dødsing på Frognerbadet på 60-talet. Ikkje heilt ulikt det mange kallar rekestup.

Både VG og NRK var på plass då det i sommar var uoffisielt VM i dødsing ved same badeanlegg (sjå video nedst i artikkelen), no blir det osmeisterskap i Osbadet.

Kven som står bak? Same gjeng som i nokre år har arrangert Os Snow Challange, Arne Veim Haugland og Co.

– Vi skulle hatt 10 meter høgt stupebrett, men har fått låna 5-meteren på Osbadet, seier Arne.

Osmeisterskapen i dødsing blir arrangert søndag 2. desember (frå kl 15).

Veim Haugland har allereie 7-8 stuparar som står klare til å kasta seg ut i noko som skal sjå ut som skal sjå ut som starten på eit smertefullt mageplask.

– Vi kjem også til å følgje Dødseforbundet (ja, det er eit eige forbund for dødsing) sine retningslinjer når det kjem til dømming.

Dei første sponsa premiane er også i boks.

VIDEO: Frå VM i dødsing 2012. (Foto: Nicolai Aass)