(Arkivfoto: KVB)

Er ikkje lenger mistenkt etter brann

Mannen som blei pågripen etter brann på ein terrasse søndag er sjekka ut av saka.

Av: Kjetil Vasby Bruarøy

Søndag formiddag var det brann på ein terrasse i bufellesskapen Vartun i Industrivegen.

Ein mann i 30-åra blei pågripen i samband med brannen, som blei sløkt før brannvesenet kom fram.

– Han var i umiddelbar nærleik, og der og då hadde vi grunn til mistanke.

– Men ut frå kva han har forklart, og undersøkingar vi har gjort som underbygger dette, er han sjekka ut av saka, opplyser politioverbetjent Audun Hadler-Olsen.

Mannen er sleppt fri og er ikkje lenger mistenkt.

– Er det nye mistenkte i saka?

– Nei. Brannårsak er førebels ikkje kjent og det er ingen nye som er mistenkt.

Fleire saker