Erstattar marknad i Bergen
Då kunsthandsverksmarknaden i Bergen ikkje blei noko av, fann Oseana ut at dei ville tilby ein alternativ plass. – Håpet er at det kan bli ein tradisjon.
Laurdag rykker omlag 25 handtverkskunstnarar inn i Oseanasalen.
– Då vi høyrde det ikkje blei kunsthandverksmarknad i Bergen ved torget fann vi ut at vi ville tilby ein alternativ marknadsplass på Os.
– Heile 25 kunstnarar har meldt seg på til salsmarknaden.
– Mange av dei som har pleid å vera med i Bergen har meldt seg på her hjå oss.
– Dei kjem frå store delar av landet, men vi tykkjer jo at det er litt ekstra stas med dei lokale vi har fått med, fortel kulturhusvert Janne Mari Hjelle.
Håpar på fast messe
Dei to lokale kunsthandtverkarane som stiller på messa er Siv-Anne Skogen, strikkedesign/foto og Liv Trondsgård, glasskunst/glassfusing.
– Det er ikkje så mange marknader vi deltek på lenger.
– Tidlegare pleide vi å delta på julemarknaden på Stend, men vi har trappa noko ned.
– Når Oseana no spørte om vi ville vera med, så måtte vi jo sjølvsagt det.
– Det er flott at dei har fått det til. Vi håpar jo sjølvsagt at dette kan bli ein årleg tradisjon med ein fast dato.
– Også er det jo kjekt å få bruka det flotte huset til ein slik marknad, smiler dei to.
Opnar rulleporten
Hjelle er glad for entusiasmen frå kunsthandtverkarane.
– Det er jo ein ny areana vi ikkje har prøvd ut før.
– Vi kjem til å opna rulleporten inn til Oseanasalen, så det kjem til å bli en flott marknadsplass.
– Utstillarane står tørt og trygt, samstundes som vi kan nyta finvêret vi håpar held seg, eller kjem att til helga, smiler kulturhusverten.
Marknaden, som blir arrangert laurdag og sundag, fevnar breitt og omfattar kunst innan tekstil, foto, keramikk, glas, smykker og tre.