Ervikane og Nordstrøno prega av hærverk

Eit knust busskur nær avkøyrsla til Ervikane møtte turgåarar på veg til friluftsområdet i dag.

– Nokon må ha skadd seg, for det låg ein del blod der, seier ein innringar til Midtsiden.

I Ervikane såg det heller ikkje fint ut.

– Der var velta benkar og mykje glasskor. Dei som vil til Ervikane for å bada med små ungar, eller har hund med seg, bør sjå seg nøye om.

Politiet fortalte tidlegare i dag om ein ungdomsfest dei rykte ut på i går kveld. Mange avgangselevar ved tiandeklasse var samla for ei uoffisell avrunding på grunnskulen.

– Eg veit ikkje kven som har gjort dette, men nokon bør koma og rydda. Bergen og Omland Friluftsråd bør òg få beskjed.