Brannen (innfelt) skjedde mellom Byvegen og brygga i Banktjørn. (Foto: Kjetil Vasby Bruarøy/lesarbilde)

Etterforskar brann ved Banktjørn

Det var opne flammar då brannvesenet kom fram.

Av: Kjetil Vasby Bruarøy

Torsdag klokka 21.23 kom det melding frå forbipasserande om brann i skogen mellom Byvegen og Banktjørn.

– Det var opne flammar då vi kom fram. Heldigvis hadde ikkje brannen spreidd seg. Det var heller ikkje særleg med vind i går, seier brannsjef Stein Gjøsund.

Det brann i noko boss, blant anna ein isoporkasse. Rundt flammane var det mykje tørr vegetasjon etter fleire veker med opphaldsvêr.

Oppretter sak

Brannvesenet hadde ikkje problem med å sløkka den vesle brannen.

Politiet var òg på staden, og har oppretta sak.

– Vi vil undersøka nærmare korleis brannen starta og kven som eventuelt har ansvaret, seier politioverbetjent Audun Hadler-Olsen.

Då brannvesenet kom til området i går var det ingen personar på staden.

Fleire saker