Lokal | 25. mai 2018

Etterforskar brann ved Banktjørn

Det var opne flammar då brannvesenet kom fram.

Etterforskar brann ved Banktjørn
Brannen (innfelt) skjedde mellom Byvegen og brygga i Banktjørn. (Foto: Kjetil Vasby Bruarøy/lesarbilde)
Kjetil Vasby Bruarøy
Kjetil Vasby Bruarøyfredag 25. mai 2018 07:55

Torsdag klokka 21.23 kom det melding frå forbipasserande om brann i skogen mellom Byvegen og Banktjørn.

– Det var opne flammar då vi kom fram. Heldigvis hadde ikkje brannen spreidd seg. Det var heller ikkje særleg med vind i går, seier brannsjef Stein Gjøsund.

Det brann i noko boss, blant anna ein isoporkasse. Rundt flammane var det mykje tørr vegetasjon etter fleire veker med opphaldsvêr.

Oppretter sak

Brannvesenet hadde ikkje problem med å sløkka den vesle brannen.

Politiet var òg på staden, og har oppretta sak.

– Vi vil undersøka nærmare korleis brannen starta og kven som eventuelt har ansvaret, seier politioverbetjent Audun Hadler-Olsen.

Då brannvesenet kom til området i går var det ingen personar på staden.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.