Europeiske smakar i sentrum
Bildeserie: Frå torsdag til sundag er det marknad med torghandlarar frå fleire land i Os.
Bildeserie:
Det blei dessert i frå pannekakeboden då Torstein Røttingen og Åsne Takle Eide var i sentrum for å kjøpa seg lunsj.
– Det frista for mykje til å ikkje kjøpa, fortel Åsne som valde seg ei vaffel med Nutella sjokoladepålegg på.
Torsdag inntok Det Europeiske markedet, Osøyro. Med eit stort utvalg i ostar, oliven, pølser, nøtter, meksikansk mat og kaker, håper dei å kunne gje osingane noko litt utanom det vanlige.
Mindre enn tidlegare
Det er to år sidan den Europeiske Marknaden Traditional Market har vitja Osøyro med smakar i frå heile Europa.
Basert på tidligare erfaringar har markedet fokusert på kva som fengar osingane, og kome tilbake med dei mest populære produkta.
Det gjer at markedet ikkje er like stort som tidlegare år.
- Osingane er veldig glad i ost, fortel Ab Noom som kjem i frå Holland med eit stort utvalg av ostar.
vèret har mykje å seia
Marknaden fekk ein våt start på Osøyro, og i følge vèrmeldinga på Pent.no ser det ut som vèret vil vera noko ustabilt.
– Håpar osingane ikkje blir stoppa av vèret for å få ein smak av europa, fortel Sentrumsledar Geir Amundsen som har gleda seg til at markedet skulle koma til Os.