Fotball | 06. feb. 2020

Fabian og Sandviken slo Lysekloster

Lysekloster tapte vinterens første treningskamp. Osingen Fabian Bødtker skåra to mål for ny klubb.

Fabian og Sandviken slo Lysekloster
Fabian Bødtker då Os tapte for Lysekloster i sesongavsluttinga i fjor. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 06. feb. 2020 08:26

Onsdag spelte Lysekloster sin første treningskamp denne vinteren. Kampen gjekk borte mot Sandviken.

Sandviken er nyopprykka frå 4. divisjon. Os 2 tapte 5-0 borte og spelte 2-2 heime mot Sandviken i fjor.

I går hadde Sandviken med seg osingen Fabian Bødtker, som har gitt seg i Os. Bødtker sette inn 1-0 og 2-0 til vertane etter pause.

Nysignerte Marius Bildøy reduserte til 2-1 før Sander Bjørndal, tre minutt før slutt, på corner auka til 3-1, som blei sluttresultatet.

– Tekniske feil, men god innsats

– Fokus i denne kampen var defensiv struktur, korleis vi jobbar kollektivt i forsvar, og enkelte offensive detaljar, seier Lysekloster-trenar Ruben Hetlevik.

– Vi er tidleg med å få ein stall på plass i år, men det er òg ein del nye spelarar, så vi har framleis mykje å jobba med.

– Det som skuffa litt i går, uavhengig av kvar vi er på kalenderen, er tekniske feil med ball. Det eg er nøgd med, er innsats og guts. Det var ein fin kamp mot eit lag som eg ikkje trur vil ha problem med å halda plassen i 3. divisjon denne sesongen.

Brukte 18 spelarar

Lysekloster har ein yngre stall i år, og starta med to 16-åringar.

– Vi brukte 18 spelarar, så og seia alle fekk minst 45 minutt på banen.

Ved sidan av signert mannskap, brukte Ruben Vegard Savland, Vegard Skorpen og keeper Emil Harloff.

Sandviken - Lysekloster 3-1 (0-0)
Målskårar, Lysekloster: Marius Bildøy
Målskårarar, Sandviken: Fabian Bødtker 2 og Sander Bjørndal

Lysekloster starta med: Jakob Folkestad, Peter Aase, Tobias Heltne Alme, Eskil Instebø, Eirik Jacobsen, Simen Næss, Ronny Rojas, Preben Skorpen, Johan Stormyr, Thorvald Trætteberg og Joachim Westrheim.

Inn etter pausen: Emil Harloff, Marius Bildøy, Stefan Aase, Sebastian Aase, Håkon Brautaset og Vegard Savland.
Ut: J.Folkestad, E. Jacobsen, Simen Næss, Ronny Rojas, Johan Stormyr, J. Westrheim.

Fleire innbytarar med speletid: Kristian Eidnes

Lysekloster sin neste treningskamp går på heimebane mot Sotra laurdag.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.