Familievold og nabokonflikter

I løpet av fredagen fekk politiet melding om to tilfeller av familievold.

– Den første meldinga kom på formiddagen frå ei som kjende offeret.

– Ein mann skal ha utøvd vold mot ei kvinne. Vi følgde sjølvsagt opp saken, fortel politibetjent Anne Lyssand.

Det andre tilfellet fekk politiet melding om natt til laurdag.

– Også der skal mannen ha vore valdeleg mot kvinna.

– Ho blei tatt hand om og køyrd til Haukeland sjukehus etter først å ha vore innom legevakta.

– Vi jobbar no vidare med å undersøke kva som har skjedd og skadeomfanget, seier Lyssand.

– Ellers har det stort sett vore mindre ting.

– I eit par tilfeller har vi gitt råd i noko som vi vel kan kalla nabokonfliktar.

– Vi har også måtte ta eit par turar til elreturpunktet ved Amfi for å bortvisa kjenninger som rota rundt i bosset der, avsluttar Lyssand.