Fanga i dødbringande floke

I går, ni dagar etter at hjortejakta starta, blei ein hjort på Haugland eit lett bytte.

– Det kom melding på formiddagen, via politiet, om ein hjort som hadde vikla seg inn i noko tau, fortel viltkontakt og hjortejeger Espen Andersen.

Han var sjølv opptatt, men ein kollega reiste ut for å sjå på dyret.

– I enden av tauet hang ein kjepp og det blei vurdert sånn at hjorten måtte avlivast for ikkje å risikera å bli ståande fast ein plass og få ein pinefull død.