Fann GPS-skatt
Fire ungar fekk litt av ei overrasking då dei oppdaga kva som var i posen dei fann under eit rotvelta tre på Kobbavågen.


På tur på Kobbavågen 1. mai fann fem ungar ein svart plaspose under eit rotvelta tre like bak den inste stranda. Ei av jentene pirka i posen med ein pinne, og lyden gjorde at dei tok posen fram for å sjå kva som var oppi posen.
Og der låg ein boks med mykje spennande i; kalkulator, måleband, ei lita lommelykt og nokre småleikar.
I tillegg var det eit brev i boksen, som forklarte kva dei hadde funne. Logoen til Geocaching sto øverst, og ein tekst på norsk og engelsk forklarte at dette var ein leik for folk med GPS, ein skattejakt utbreidd over store delar av verda.
Dei som finn skatten, anten det er ved slump eller at dei leitar etter den, kan ta ting frå boksen, men då må dei også legga noko anna tilbake. I brevet ber dei folk som finn skatten om å skriva i boka, omtrent som ei lita hyttebok, og legga skatten fint tilbake. På boksen står GPS-koordinatane til staden den ligg på.
I brevet ber dei også skattejegarane registrera funnet sitt på nettsida www.geocaching.com.
På denne nettsida ser vi at det er gøymt nesten 700.000 slike skattekister rundt om i verda. I søk etter skattar i Hordaland finn vi nesten 700. Ved første skumlesing gjennom lista ser Kobbavågen ut til å vera einaste i Os.
Sjå også denne norske informasjonssida om geocaching.