Fann syndaren

Ein mann i 20-åra har erkjent å ha stått for ruteknusing hos urmakar og gullsmed Fagerthun. No må han punga ut.

Kjetil Vasby Bruarøyonsdag 18. nov. 2009 08:59

Ingenting blei stole frå Fagerthun etter ruteknusinga som blei oppdaga sundag morgon. Men i går hadde politiet ein mann inne til avhøyr, mistenkt for å stå bak.

- Han erkjente forholdet og får ei bot på 5000 kroner for hærverket, fortel politiførstebetjent Audun Hadler-Olsen.

Politiet vil ikkje seia korleis dei fann mistenkte, og veit ikkje kva han knuste ruta med eller kvifor.

- Det har skjedd i fylla og mannen, som er i 20-åra, vil gjera opp for seg.

I tillegg til bota må ruteknusaren betala erstatning til Fagerthun for skadeverket.