Fann to typar partydop under ransaking hos rusa bilførar

Onsdag klokka 21.45 blei ein bil stoppa i Os. I bilen sat to menn, den eine er i starten på 20-åra, den andre i midten av 20-åra.

– Begge framsto som rusa, og innrømte å ha røyka cannabis før dei køyrde, fortel politioverbetjent Anne Lyssand.

Bilførar, den yngste av dei to, blei tatt med til legevakt for utvida prøve.

Politiet gjekk på ransaking hos bilførar, og gjorde fleire funn.

– Det blei tatt beslag i ulike typar stoff som blir sendt til analyse. Vi reknar med at det er snakk om marihuana, MDMA (ecstacy) og kasalol (Xanor med verkemiddelet alprazolam).