Får du setet ditt?
I dag startar salet av billettar til Oseana-opninga. Men kva med dei som har deltatt i OKK-kampanjen og kjøpt sete eller andel?
Det nærmar seg opning av Oseana og opningsfestival med blant anna folkeoperaen Havfest.
Men kva med dei som slo til og sponsa Oseana, som privatperson eller bedrift, etter at OKK-kampanjen starta 30. juni 2008?
– Vi har ikkje gløymt dei som har deltatt i OKK-kampanjen, seier ordførar og leiar i byggekomiteen, Terje Sølviknes.
– Men vi var litt seine med å senda ut brev til dei det gjeld, så det er nok ein del som førebels ikkje har fått det.
Alle får billettar
OKK står for Os kunst- og kultursenter, og OKK-kampanjen er ein kampanje for å få inn små og mellomstore sponsorar, i tillegg til dei mange store.
– Det viste seg at mange var takksame for å bli invitert til å vera med på spleiselaget, osingar, folk frå nabobygdene og hyttefolk som set pris på mykje av det vi i Os har å by på.
200 personar og bedrifter får i desse dagar tilbod om to billettar til ei valfri Havfest-framsyning. Havfest blir vist fire gongar under opningsfestivalen.
– Kontakt kommunen
Anten du har kjøpt andel for 2000 kroner, fleire andelar eller sete i salen, som kostar 10.000 kroner, får du tilbod om to gratisbillettar.
– Men sponsorane må melda si interesse, ta kontakt med Gunvor Heggland i rådhuset, så får du billettar til den Havfest-framsyninga du vil.
For seint å sponsa?
Om du ikkje har kjøpt andel eller sete kan du framleis slå til. Å kjøpa billett er billigare, men dette er ikkje det einaste sponsorane får.
– Vi legg opp til at desse i Oseana-lauget får både informasjon før andre, høve til å kjøpa billettar før dei blir lagt ut for ordinært sal og gratisbillettar til seinare arrangement, eitt arrangement i året.
I går blei billettane til Vamp-konserten i Oseana lagt ut, i dag starta billettsalet til Havfest.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.