Får konsesjon

18. oktober signerte ordførar Terje Søviknes på vegne av Os kommune avtalen med Statskog SF om kjøp av Raudlio/Stokkedalen. Eit område som i areal utgjer heile 7% av kommunen. Då dette er ein skogseigedom krev lova at den nye eigaren får konsesjon til å overta eigedommen.

Like før påske kom brevet frå Fylkesmannen i Sogn og Fjordane, som av Kommunal- og moderniseringsdepartementet hadde blitt oppnevnt til settefylkesmann, då fylkesmannen i Hordaland var ugild som ein part i kjøpet.

Til friluftsføremål

Fylkesmannen i Sogn og Fjordane er tindrande klar i si konklusjon.

«Os kommune si overtaking av av dei omsøkte eigedommane vil gje svært samfunnsgagnlege eigar- og brukarforhold, og konsesjonssøknaden bør difor imøtekommast», heiter det i vurderinga frå fylkesmannen.

Fylkesmannen gav difor konsesjon til overtaking av dei aktuelle eigedommane med følgjande vilkår: Eigedomane skal nyttast til friluftsføremål i samarbeid med Bergen og Omland Friluftsråd. Skogen skal drivast gjennom avtale med Bergen Skog- og Træplantningsselskap.

Les òg: Mystisk og magisk