Far og son i Wallehagen
Arne og Vidar Mæland stiller ut lokalt. - Ein treng jo ikkje alltid reisa til by'n, seier Arne Mæland.
Det er familien Walle i Postvegen som opnar hagen for far og son Mæland og skulpturane deira. Fredag 19. august inviterer Galleri Walle til vernissasje av salsutstillinga "skulptørane" for alle kulturinterreserte osingar.
- Det er litt som med symposiet. Vi gjer det for å ha det gøy og skapa ei lokal happening, forklarar Arne.
- Ein treng jo ikkje reise til byn kvar gong ein skal gjera noko kjekt, legg han til.
Berre éin dag
Utstillinga er å kalla ei ekspressutstilling kor verka står i Wallehagen berre den eine dagen.
- Det som er artig med ei slik utstilling er at ho ikkje krev så mykje førebuing.
- Vi bruker det vi har av verk og set det opp så godt vi kan, forklarar kunstnaren medan han går rundt i Walle-hagen for å sjå på moglege plasseringar.
Eit innblikk i produksjonen
Rune Walle, som står som "teknisk arrangør" av utstillinga saman med Klas Færøvik, har òg klart å overbevisa Mæland om at publikum kan vera interesserte i å høyra korleis ei bronsestatue blir til.
- Ikkje kall det foredrag, kall det heller eit lite innlegg, seier Arne Mæland då Midtsiden.no kjem inn på at han skal seia nokre ord.
- Det er ein meir omfattande prosess en berre å laga ei form og få ein fin figur ut av det, fortel Arne, og seier han ser fram til å stilla ut i Os sentrum.
Vernissasjen finn stad fredag 19. august kl 18.00
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.