Får pengar til planlegging

Regjeringa la i dag fram forslag til endring i statsbudsjettet. Der ligg det kroner til Svegatjørn-Rådal.

Kjetil Vasby Bruarøyfredag 19. nov. 2010 11:12

Regjeringa har i statsråd i dag lagt fram forslag til ein del endringar i statsbudsjettet for 2010.

Blant anna er det sett av 25 millionar kroner ekstra til vegutbetringar etter flaum og ras i Nord-Noreg, og tilleggsløyving på 50 millionar kroner til planlegging av nye vegprosjekt.

- Beløpet skal brukast til planlegging, og vil setja Statens vegvesen betre i stand til å gjennomføra prosjekta i Nasjonal transportplan 2010-2019, opplyser samferdselsminister Magnhild Meltveit Kleppa i ei pressemelding i dag.

Nasjonal transportplan 2010-2019 og Statens vegvesen sitt handlingsprogram 2010-2013 legg opp til ein vesentleg vekst i rammene til riksveginvesteringar. Denne veksten gjer det nødvendig med meir midlar til planlegging, slik at framdrifta i prosjekta kan halda fram.

Statens vegvesen legg opp til at auken på 50 millionar kroner kan brukast til planlegging av desse vegprosjekta:

• Region aust: 30 millionar kroner som i all hovudsak vil gå med til å dekkja meirforbruk på E16 Fønhus - Bagn og E6 Ringebu - Otta
• Region vest: 10 millionar kroner som vil gå med til å dekkja meirforbruk på E6 Svegatjørn - Rådal (vi får håpa dei meiner E39, red. anm)
• Region nord: 10 millionar kroner vil gå med til å dekkja meirforbruk på E6 på Helgeland og E6 Bru over Rombaken
Rassikring - E39 Hjartåberga: Anleggsstart i januar

I oktober kom framlegg til statsbudsjett, også der gjekk det fram at det var planar om å setja av midlar til planlegging av Svegatjørn-Rådal for oppstart i 2012, men sum sto ikkje nemnt.