Lokal | 23. juni 2013

Får universell utforming

Tursti frå Tøsdal til Nordmarka blir tilrettelagt for rullestol og barnevogner, men berre på delar av strekninga.

Får universell utforming
Kommunen har rydda traseen kor ny vassledning mellom Tøsdal og Nordmarka kjem. Det vil òg bli tilrettelagt tursti (foto: Andris Hamre)
Andris Hamresundag 23. juni 2013 12:16

Os kommune er i ferd med å legga ny vassledning frå Tøsdal til Nordmarka, når dei likevel gjer arbeidet så nyttar dei høve til å legga tilrette for tursti i same traseen.

– Vil heile strekninga få universell utforming, undra Harald Døsen (Ap) i plan- og bygningsutvalet torsdag.

– Delar av strekninga vil få det, men ikkje heile.

– For eit lite stykkje har det ikkje lukkast å få til ei einigheit med grunneigarane, forklarte rådmann Knut Terje Rekve.

Håpar på løysing

Rådmannen er likevel optimistisk i høve til å få til universell utforming på heile strekka.

– Det er rart om vi ikkje kjem til ei løysing over tid.

– Dette er ein positiv sak, om ein får bevegelse i den. Gjer kommunen nokre grep, undra Terje Sperrevik (TvS).

– Turstien blir tilgjengeleg heile vegen, men ikkje for rullestolbrukarar og barnevogner heile vegen, men vi er i dialog med dei fire grunneigarane, så vi får håpa vi klarar å koma til ei løysing.

– Eg trur noko av usikkerheita går på korleis det blir sjåande ut og tilrettelagt, truleg blir denne tvilen fjerna når vi får gjort det første strekket.

– Vi har midla til toppdekke heile vegen og som eg sa så er dialogen der. Det er ikkje slik at situasjonen er fastlåst, forsikra rådmannen.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.