Feirar 100 dagar igjen

Bildeserie:

1 av 10

24. april 2009 tok Vassbakk & Stol dei første spadetaka på det som skulle bli tomta til Oseana, Os kunst- og kultursenter. 17. juni 2011, drygt to år seinare, skal storstova opnast med festival og spesial-skreven folkeopera.

Laurdag førstkommande inviterar Oseana til markering av at det berre er 100 dagar att med kaker, kaffi, ballongar og ein prat på Amfi Os.

- Det skal bli utruleg kjekt å møta folket og høyre kva dei tenker og forventar, seier arrangementssjef Berit Steen.

Midtsiden.no markerer dagen med eit dykk i arkivet. I bildeserien ovanfor har vi plukka ut milepælar i prosjektet.

Om du har lyst til å ta eit dykk sjølv
kan du gå på samlesidene våre for Oseana.

41 vil bli vert

Fredag gjekk søknadsfristen for stillinga som kulturhusvert og sal- og marknadsansvarleg ut.

- Vi har fått heile 41 søkarar til stillinga som Kulturhusvert, fortel ei gledestrålande Berit Steen.

- Det har vore ei kjempeinterresse for stillinga, seier Steen.

Dei fleste av søkarane er kvinner, mange av dei med tilknytting til Os.

- Men i alder er det store skilnadar frå byrjinga av 20-åra til godt oppi 50-åra, fortel ho.

- Korleis var interessa for den andre stillinga då?

- Vi har ikkje heilt rukke å koma gjennom den bunken enno, seier Steen. Men etter ei kjapp opptelling kjem ho fram til at om lag 15 har søkt stillinga.