Fekk 100 års-syklar

I samband med Noregs Cykleforbund sitt 100 års jubileum tidlegare denne månaden delte dei ut 210 syklar til dei 72 klubbane med størst andel lisensierte ungdomsryttarar mellom 6 og 16 år.

CK Henie på Os fekk to av syklane.

- Rekruttering har vore ei hovudsatsing for oss dei siste åra.

- Det at vi no blir premiert med to av jubileumssyklane er veldig kjekt, fortel Leif Erik Garvik i CK Henie.

Landeveg og offroad

Ungdomsgruppa i klubben utgjer omlag 15 aktive ryttarar som møtast kvar onsdag for å trene.

- Vi har to grupper. Ei for landeveg og ei for offroad, forklarar trenar Helge Sandven då Midtsiden.no møter dei unge syklistane i Kolskogen onsdag ettermiddag.

- Dei to nye syklane gjer at vi no har enda fleire syklar å låne ut til dei som har lyst å vere med.

- Det er ei heilt anna oppleving å køyre med ein konkurransesykkel enn dei vanlege tursyklane ein gjerne har heime, forklarar Sandven før onsdagens treningstur ut i Øyane.

Innetrening heile vinteren

Sjølv om sykkelsesongen no byrjar å mot sluten held dei aktive ungdommane formen vedlike gjennom heile vinteren.

- Frå tysdag etter haustferien startar vi opp med spinningtimer på Sprek og Blid.

- Om det er fleire som har lyst til å vera med er det berre å stille. Anten når vi startar innandørs eller allereie no. Syklar til utlån har vi, reklamerer Sandven som legg til at meir info om treningstidene finns på heimesida til klubben.