Lokal | 16. mai 2017

Fekk 6 prikkar på førarkortet

Politiet mistenker tablettrus hos både bilførar og busspassasjer. I tillegg stoppa dei ein ung mann i høg fart på Ulvensletta.

Fekk 6 prikkar på førarkortet
Snittmåling viste at 18-åringen køyrde i 105 km/t i 80-sona. Dermed blei det eit forelegg på 6250 kroner og 6 prikkar på førarkortet. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 16. mai 2017 07:32

Måndag klokka 15.30 fekk politiet melding om vinglete køyring opp bysida av Fanafjellet.

Bilen blei stoppa på Ulven. Bilførar, ein mann i 30-åra, viste ikkje teikn til promille, men blei tatt med for blodprøvetaking.

– Vi mistenker at vedkomande var rusa på tablettar, fortel politioverbetjent Audun Hadler-Olsen.

Det blei tatt midlertidig beslag i førarkortet og det er oppretta sak.

Livlaus mann om bord i buss

Klokka 20.30 måndag kveld blei politiet kontakta av ein bussjåfør. Han hadde ein passasjer han ikkje fekk liv i.

– Vi rykte ut saman med helse. Mannen, som er i 20-åra, kvikna til, men vi fann nokre tablettar på vedkomande, som han er meldt for. Vedkomande blei sjekka av helsepersonell og køyrd heim etter avhøyr.

Tatt i snittmåling på Ulvensletta

Måndag kveld blei ein 18 år gamal gut stoppa av politiet på Ulvensletta.

Snittmåling viste at han hadde køyrd i 105 km/t i 80-sona.

Det førte til 6250 kroner i forelegg og 6 prikkar (dobbelt av 3 då han er fersk sjåfør i prøvetid).

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.