Kultur | 04. juni 2010

Fekk Bjørnseths gave

Ei stor testamentert gåve til Fortidsminneforeningen, Bjørn Sinclair Bjørnseths gave, blei i kveld tildelt Ole Bulls Villa og Museet Lysøen.

Fekk Bjørnseths gave
Kjetil Vasby Bruarøy
Kjetil Vasby Bruarøyfredag 04. juni 2010 21:02

Fredag kveld fekk museumsdirektør/avdelingsleiar Berit Høgheim ei stor og overraskande melding, Museet Lysøen mottar Bjørn Sinclair Bjørnseths gave på 250.000 kroner.

- Bjørn Sinclair Bjørnseth døde i 2008. I testamentet hans var det bestemt at Fortidsminneforeningen skulle få ei gåve på 250.000 kroner til bevaringen av ein bygning, skriv informasjonsansvarlig i Kunstmuseene i Bergen i ei pressemelding til Midtsiden.no.

I testamentet heiter det:

«Fra mitt bo etter min bortgang mottar: Foreningen til norske Fortidsminnesmerkers Bevaring kr: 250 000,- (to hundre og femti tusen kroner). Gaven skal i sin helhet gå til et prosjekt foreningen finner frem til. Prosjektet skal være i privat eie. Prosjektet skal være bevaring av en bygning. Til endelig mottaker skal beløpet ha benevnelsen Bjørn S. Bjørnseths gave. Beløpet skal være plassert hos mottaker innen 2 år regnet fra det tidspunkt foreningen mottar gaven.»

Styret i Fortidsminneforeningen har ønska å gje denne eineståande gåva til Villa Lysøen i jubileumsåret for Ole Bull. Inspirert av jubileet held foreininga sitt årlege representantskapsmøte i Bergen 4.-6. juni, og inkluderer besøk på Lysøen.

Lysøen er eigd av Fortidsminneforeningens avdeling i Bergen og Hordaland. Eit eige Lysøen-utval i foreininga har hatt ansvaret for eigedomen. Frå 2007 har Lysøen vore forvalta av Kunstmuseene i Bergen i samarbeid med Lysøen-utvalet.

Bjørn Sinclair Bjørnseth (1921-2008) var gjennom mange år ein sentral og drivande kraft i Fortidsminneforeningens arbeid til beste for bevaring av kulturminner.

Han hadde tillitsverv i foreininga si avdeling i Oslo og Akershus frå han var student i 1947 til han avslutta denne delen av innsatsen sin som formann same stad i 1974.

Bjørnseth leia hovudstyret i åra 1972-77 og var representantskapets ordførar i 1977-82.

Bjørn Sinclair Bjørnseth var sjølv frå Akershus, gjennom heile sitt liv knytta til Oslo. Interessa han hadde for kulturminnevernet leia han inn i viktige oppgåver over heile landet.

Fortidsminneforeningen blei stifta i 1844 med J. C. Dahl som foregangsmann og inspirator. Frå ein start i Christiania har foreininga i dag aktive avdelinger i alle fylker og eig 40 verneverdige eigedomar spreidd over heile landet.

Åtte av desse er i Bergen og Hordaland: Moster kyrkje, Holdhus kyrkje, Lysøen, Nonneseter kloster og Stranges Stiftelse i Bergen, Lydvaloftet, Ullestadbua og Finnesloftet på Voss.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.