Fotball | 23. mai 2022

Fekk ein frykteleg start mot serieleiaren

Lysekloster hamna under 0-2 etter 4 minutt.

Fekk ein frykteleg start mot serieleiaren
Lysekloster tok imot Brann 2 søndag. Her frå 0-2-kampen i fjor. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 23. mai 2022 06:52

Lysekloster tok søndag imot serieleiar Brann 2 til sjuande serierunde.

Brann 2 sto med siger i alle dei seks første seriekampane, mens Lysekloster har starta serien med 3 sigrar, 2 uavgjorte og 1 tap.

I fjor tapte Lysekloster 0-2 etter to mål i andre omgang, i går kom baklengsmåla langt raskare.

Ole Didrik Blomberg sendte gjestane i leiinga i andre speleminutt, Mikal Berg Kvinge auka til 0-2 i fjerde speleminutt.

Blomberg la på til 0-3 ti minutt før pause.

– Ein god kamp som blei øydelagt av ein dårleg start, oppsummerer Lysekloster-trenar Ruben Hetlevik.

Lysekloster reduserte til 1-3 i 60. minutt ved Christian Dahl, Kasper Skaarnes auka til 1-4 i 76. minutt. Osingen Elias Heggland Myrlid, som seinka Lysekloster med to skåringar i fjor, var med som ubrukt reserve på Brann 2.

– Vi hadde ballen mykje, og skapte godt med sjansar, men du kan ikkje gjera mykje feil før spelarar som Blomberg, Kvinge og Skaarnes straffar deg. Dei skårar på sjansar av same kaliber som vi misser på.

– Brann 2 har eit sterkt lag for tida, og vil nok ikkje møta mykje motstand om dei held fram med å stilla så sterkt gjennom sesongen, trur Hetlevik.

Bak Brann 2 held laga fram med å «slå kvarandre».

Berre tre poeng skil 8. plass frå 2. plass.

Sjølv om Lysekloster har uavgjort (1-1 borte for Bjarg) og tap i dei to siste rundane, har dei gått ned berre éin plassering på tabellen - frå 3. plass til 4. plass.

Nokre andre resultat frå 7. runde:
Vidar - Bjarg 1-2
Bremnes - Fana 4-2
Sandnes Ul 2 - Åkra 3-3
Djerv 1919 - Stord 5-2

Lysekloster speler neste kamp borte mot Viking 2.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.