Fekk fullmakt
Her sender Søviknes inn bod på Raudlia og Stokkedalen.


Tysdag ba ordførar Terje Søviknes kommunestyret om fullmakt til å, på vegne av Os kommune, by på dei til saman 10.204 dekar store områda Raudlia og Stokkedalen, som Statskog no har lagt ut for sal.
Les òg: Ber om å få kjøpa
Kommunestyret gjekk samrøystes inn for å gje fullmakt til dette.
Prisantydning er ifølgje salsoppgåva på 9.850.000 kroner.
– Kor stor sum vi fekk fullmakt å gå opp til er unntatt det offentlege, seier Terje Søviknes.
I dag faksa han inn bod på området. Han vil førebels heller ikkje ut med kor mykje Os kommune sitt første bod er på.
Sjå salsoppgåva på Statskog.no.
Midtsiden har ikkje lykkast i å nå salsansvarleg for prosjektet, Nils Lygre hos Statskog, for kommentar til interessa for området.