09. jan. 2009

Fekk "fyre-forbod"

Fleire husstandar i Strøno har fått eit brev der dei blir bedd om å slutta å fyra med ved.

Fekk "fyre-forbod"
Kjetil Vasby Bruarøy
Kjetil Vasby Bruarøyfredag 09. jan. 2009 12:01

Før jul hamna det eit brev i postkassane til fleire husstandar i Strøno.

I brevet, som er sendt anonymt, står det om korleis røyken frå vedfyring slik avsendar opplever skapar "et helvete for dem (naboene)".

- Først blei eg overraska, så byrja eg å le. No har skadefryden overtatt, så no har det faktisk blitt kjekt å gå i kjellaren etter ved, seier ein strøning til Midtsiden.no.

- Eg har ikkje noko mot å gå ut med namnet mitt i vanlege samanhengar, men når eg ikkje veit kven avsendar av brevet er, kvifor skal han veta kven eg her, seier innringaren til Midtsiden, om kvifor han vil vera anonym.

Brevet blir avslutta med ei "sterk henstilling om å begrense vedfyringen til et minimum (...) på dager med lite vind bør det ikke fyres med ved i det hele tatt".

- Om ein nabo hadde hatt problem med pusten, så er det klart eg kunne ha snakka med han om å ta omsyn. Men eit brev som dette, som ikkje er signert, er nesten provoserande. Eg trur eg snakkar for fleire enn meg sjølv når eg seier at dette er meir komisk enn sympati-vekkande.

- Så du kjem ikkje til å redusera vedfyringa?

- Nei. Men eg kjem kanskje til å fyra med døra open, om det blir for varmt, fleipar den anonyme strøningen.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.