Lokal | 07. mars 2013

Fekk hjartestartar

Sjå oversikt: Finansiert av grasrotmidlar overrekte Røde Kors torsdag hjartestartarar til Luranetunet og Gamleheimshagen. - Eg håper de aldri treng bruka den, helsa leiar Nina Sælen.

Instruktør Thomas Sellevoll overvakar medan avdelingssjukepleiar Kari Breivik Johnsen frå Luranetunet og leiar ved Gamleheimshagen Silja Hauge Frotvedt testar hjartestartaren (foto: Andris Hamre)
Andris Hamretorsdag 07. mars 2013 14:55

Torsdag har 10 tilsette ved Luranetunet og Gamleheimshagen vore på kurs hjå Os Røde Kors for å få ei oppfrisking i livreddande førstehjelp og å læra seg å bruka dei to hjartestartarane som Røde Kors gav dei i gåve.

- Gratulerar med hjartestartaren. Eg håper de aldri får brukt for den, helsa leiar i Os Røde Kors Nina Sælen.

Sjå oversikt over hjartestartarar i Os nedst i artikkelen.

Saman med hjartestartarane følgde kurs for tilsette på Luranetunet og Gamleheimshagen.

- I dag har ti vore på kurs. I tillegg skal vi halde to kurs til, slik at tilsaman 30 tilsette får denne gjennomkøyringa, fortel Sælen.

- Det har vore eit veldig bra kurs.

- Så no får vi berre ta det med oss vidare og formidla kunnskapen til dei andre tilsette, supplerar avdelingssjukepleiar Kari Breivik Johnsen frå Luranetunet.

Middel frå grasrotandelen

Os Røde Kors har bestemt at omlag halvparten av det dei får inn i grasrotandelen frå Norsk Tipping skal dei bruka på trivselstiltak eller andre nyttige formål i Os kommune.

- Vi har tidlegere gjeve hjartestartarar, bålpanne til Luranetunet og symaskiner til psykisk utviklingshemma.

- I år bestemte vi oss får å gje ein hjartestartar med kurs til Luranetunet og Gamleheimshagen, fortel Sælen.

Sjuande størst i landet

Den lokale foreninga får kvart år omlag 80 000 kroner i grasrotmidlar.

- Vi var tidleg ute med å rekruttera grasrotgjevarar då ordninga kom. Det gjer at vi er den sjuande største Røde Kors-foreninga på landsbasis når ein ser på grasrotmidlane.

- Samstundes veit vi at det er mange tipparar som ikkje har gjeve grasrotandelen sin til noko lag.

- Uansett kven dei vil støtta så oppmodar eg dei om å registrera ein grasrotmottakar neste gong dei spelar eit av Norsk Tipping sine spel. Om ikkje går desse midla berre til Norsk Tipping og statskassa, forklarar Sælen.

Det kostar ikkje noko ekstra å registrera ein grasrotmottakar.

BLÅS regelen

Thomas Sellevoll er instruktøren for Røde Kors Førstehjelp som friskar opp kunnskapen for dei tilsette i kommunen.

- Dei er gjennom eit fem timar langt kurs kor vi startar med livreddande førstehjelp, før dei får ein gjennomgang av korleis hjartestartaren fungerar.

- Då nyttar vi BLÅS-regelen i høve til korleis ein skal reagera om ein kjem over ein person som er tilsynelatande bevisstlaus, forklarar Sellevoll.

BLÅS står for Bevissthet (Snakk til/rist på pasienten for å sjå om du får respons). Luftveiene (Sørg for at pasienten har frie luftveier). Åndedrett (Sjekk om pasienten pustar ved å legge øyret ned til munnen på pasienten og lytt i ti sekund). Sirkulasjon (om pasienten er bevisstlaus og ikkje pustar start hjarte-/lungeredning med 30 kompresjonar på brystet og to innblås munn til munn. Held fram til ambulanse/hjelp kjem).

Kan ikkje skada pasienten

Sellevoll fotel at mange kviar seg til å røska med seg hjartestartaren om dei kjem opp i ein situasjon fordi dei er redd for å gjera feil.

- Den forklarar deg kva du skal gjera, så høyrer du på instruksen kan du ikkje gjera feil.

- Du kan heller ikkje gjere skade på pasienten med å bruke hjartestartaren. Om den analyserar seg fram til at pasienten har puls så gir den ikkje elektrisk støt, forklarar instruktøren.

Her finn du hjartestartar

I oversikta nedanfor ser du kor i Os det finst hjartestartar. Om det er stader det finst som ikkje er med på lista så send Midtsiden ein e-post: andris@midtsiden.no, så får vi oppdatert oversikta.

Abo Plan & Arkitektur
AMFI Os
Askeladden
Bjørnefjorden Golfklubb
Gamleheimshagen
Kongshaug Musikkgymnas
Legekontor (fleire)
LHL Os
Luranetunet
Museet Lysøen
Nore Neset Aktivitetshus
Os brannvesen, på to av bilene
Os Gymnas
Os legevakt
Os Manuellterapi & Fysioterapi
Os Pensjonistsenter (tidl. Os eldresenter)
Os Rådhus
Os Skyttarlag
Os Taxi
Os Turn (klubbhuset, Kvuentræ)
Osbadet
Oseana
Osbuss, i seks av bussane
Sprek og Blid Os
Søre Neset idrettslag (klubbhus, Bjørnen)
Søre Neset skule
Privatmegleren
Ravneberghaugen rehabiliteringssenter
Rema 1000 Kuven Stasjon
Rema 1000 Os
Rolls-Royce Hagavik
Ulven leir
Vedholmen Landhandel (Bunnpris/Søre Øyane)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.