Sport | 15. sep. 2013

Fekk kjenna trøkket

Handballherrane til Os fekk eit tøft møte med 2. divisjon då dei tok imot Åsane sundag.

Fekk kjenna trøkket
Isak Røen fekk juling, men blei likevel toppskårar for Os med 3 mål (foto: Kjetil Vasby Bruarøy)
Andris Hamresundag 15. sep. 2013 19:18

Etter tre sesongar i 3. divisjon var Os Turn attende i den høgste divisjonen på regionalt nivå. Motstandar i serieopninga, Åsane, er av mange tippa som favoritt i årets serie.

Os byrjar bra og tok kommandoen i kampen med to og tre mål framfor gjestane.

– Det var gøy så lenge det varte.

– Dei 20 første minutta var gode, men etter det detter vi nedpå, fortel Ostrenar, Jesper Svensson.

Til pause hadde Åsane snudd kampen og leia 9-8.

Direkte raudt

Andre omgangen startar trådt for Os. I løpet av dei første 11 minutta skårer dei berre ein gong. Betre blir det ikkje av at kaptein Trygve Dahl får direkte raudt kort etter ei takling som sistemann i ei Åsanekontring.

– I andre omgangen blir vi for planlause i angrepsspelet.

– Det er ingen som tek ansvar for kvarandre, i staden blir det mange enkelprestasjoner, seier Svensson.

– Samstundes møter vi ein av favorittane og fått kjent på kva som krevst i 2. divisjon.

– Nå får vi berre bruke veka godt på trening, så skal vi vera klare for Bergen HK på bortebane neste laurdag, avsluttar Jesper Svensson.

Os-Åsane 16-22 (8-9)
Utv: Os 3x2 min + eitt direkte raudt, Åsane 3x2 min
Tilskodarar: 97
Os sitt lag: Einar Godø, Trygve Lerch Dahl (2), Joachim Nøkleby (2), Jørgen Wold (3), Øystein Skarding (1), Nils Andris Hamre, Frode Vindenes, Ove Lyssand (2), Fredrik Andresen (1), Isak Røen (3), Andreas G. Sennesvik, Joakim Blostrupmoen (2)

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.