Fekk melding om brann i rubhall

Bildeserie:

1 av 2

Onsdag i 18-tida fekk Os brannvesen melding om brann u rubhall inst i Kloppamyra.

Brannvesen, politi, legevakt og ambulanse rykte ut.

– Det var ingen personar her då vi kom fram. Det dukka heller ikkje opp nokon no mens vi var her, seier politibetjent Robert Jacobsen.

Med andre ord var det ingen personar som var skadd, og lege og ambulanse kunne gjera retrett.

Brannen skal ha vore i nokre materialar, og såg ut til å vera eit bål.

– Ifølgje nokre vitne skal det ha brent her også tidlegare i dag. Det er bilar i nærleiken, men regn og lite vind, så det var ingen umiddelbar fare for spreiing, seier varabrannsjef Erik Walden.

Det skal ha vore både plast og materialar i bålet, ting som ikkje er lov å brenna. Politiet har oppretta sak.

Midtsiden har òg blitt tipsa om utrykking til Os vgs i kveld. Brannvesenet opplyser at det er ei øving som pågår, som vil halda fram torsdag ettermiddag og kveld.