Fekk nye drakter

Småjenter-96 til Os Turn Fotball fekk før heimekampen mot Eidsvåg nye drakter.

Dei flest av oss er vante til å sjå Os Turn i gule drakter, men av og til møtar dei andre i gult, då kan det vera greit å kle seg i dei kvite bortefargane. I slutten av april kom Hanne Sørstrønen frå Postbanken til Kuventræ for å gje småjenter-96 eit nytt kvitt draktsett.

Kjekt med skikkelege bortedrakter
- Som regel legg eg inn ein søknad om gule drakter og svarte shortsar, men denne gongen tenkte eg at det hadde vore kjekt med eit sett bortedraktar, og akkurat dei fekk eg tilslag på, fortel lagleiar Henk Rozeboom.

Delar ut 200 draktsett
Postbanken delar i år ut omlag 200 draktsett over heile landet. Eit av dei 200 setta kom i år Os Turn til gode.

- Vi veit at innkjøp av drakter er ein betydeleg utgiftspost. Dette er bakgrunnen for at vi satsar så stort på sponsing av fotballdrakter, seier banksjef i Postbanken i Åsane, Britt Akman Jørgensen i ei pressemelding.