Lokal | 12. feb. 2009

Fekk sleng på hengaren

Ein trailer som fekk sleng på hengaren var årsaka til ulykka og dei lange køane på Hetleflåten i dag. Ei kvinne sat fast i det eine vraket, men blei berre lettare skadd.

Kjetil Vasby Bruarøy
Kjetil Vasby Bruarøytorsdag 12. feb. 2009 09:20

Ein trailer som kjørte i retning Bergen fekk sleng på hengaren på Hetleflåten i 15-tida torsdag.

- Bilen som kom imot kjørte i hengaren, og bilen bak klarte heller ikkje å stoppa i tide, forklarar operasjonsleiar i Hordaland politidistrikt, Terje Hilland.

Ei kvinne blei sitjande fast i det eine vraket.

Etter at brannvesenet hadde fått kvinna fri, blei ho frakta til sjukehus i ambulanse. Kvinna skal ha vore vaken, og ikkje hatt smerter medan redningsarbeidet sto på.

- Vi brukte kjettingar for å dra bilen frå kvarandre, fortel Gunnar Hatlelid frå Os brannvesen.

Ein ambulanse frå Stord var tilfeldigvis første på staden. Siden trafikken frå nord var stoppa, hadde brannvesenet ikkje problem med å ta seg fram til punktet der vegen var heilt sperra.

- Bilen var veldig knust, så kvinna var heldig i uhellet, meiner Hatlelid.

Kvinna, som er slutten av 20-åra, er framleis på sjukehus.

- Ho er berre lettare skadd, stadfestar Hilde Meling, kommunikasjonsrådgjevar i Helse Bergen.

Lange køar

Folk sto lenge i kø medan arbeidet på ulykkesstaden heldt på. Men det blei opna for trafikken mot Bergen ganske tidleg.

- Bergingsbilen sto fast i kø ved Rema 1000 i Idrettsvegen, så vi måtte rydda plassen for å sleppa forbi bilar mot nord, forklarar Hatlelid.

Klokka 16.39 opna vegen i begge retningar, men så seint som klokka 17.50 fekk Midtsiden.no telefon frå folk som sto fast på toppen av Vallaheiane retning Os.

- Det var eit uhell på Kalandseid òg, seier Hilland.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.