Fekk tre akkar på eitt døgn
– Eg ville heller ha fisk, seier ein noko forundra Kjetil Skorpen.
Kjetil Skorpen ville fiska seg ein middag, men det einaste som hang på kroken søndag var ein akkar.
– Det kjentes ut som om det var ein litt stor torsk på kroken, dei òg kan vera seig og tung å sula inn, fortel Kjetil.
Då han fekk fangsten opp i overflata blei han overraska.
– Eg visste ikkje at desse gjekk an å få på kroken, seier hobbyfiskaren.
Midtsiden har tidlegare fått inn både morosam video og, seinast i august i år, bilde av folk som har fått akkar på stang.
Dobbel «lykke» på Bjånes
Søndag fiska han både frå båt og frå land i Uskedalen, utan å få noko anna enn akkaren. I går prøvde han lykken frå land på Bjånes.
– Då blei eg endå meir overraska, for der fekk eg to akkar på kroken, den eine var rundt 60 cm lang og sikkert 3-4 kilo tung.
– Heldigvis fekk eg fisk etterpå, for det var lite interesse for akkar til middag.
Akkaren (Todarodes sagittatus) lever frå overflata ned til 4000 meter, i store stimar, og beiter på mesopelagiske fiskearter i tillegg til krill, reker og andre artar av blekksprut.
Akkar er mat for blant anna kval og sel.
Det er statistikk på fiske etter akkar i Noreg frå 1949. Fram til 1985 blei det tatt opp mot 18.000 tonn i året, men dei siste 35 åra har det utvikla seg til å bli avgrensa mengder.
• Midtsiden samleside: Jakt og fiske
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.