Fem dagar med fest

Bildeserie:

1 av 6

Bli varsla om siste nytt:
Følg Midtsiden på Facebook

– No har vi det kjekt her ute, du, seier Sigvard Madsen frå Tysnesfest.

Saman med halve Tysnes held han i desse dagar på å gjera klar til å ta imot 20.000 gjestar til årets Tysnesfest.

At langtidsvarselet for Våge har sol før og etter helga, men skyer og nedbør fredag, laurdag og søndag, skremmer ikkje Madsen og resten av Tysnesfest-mannskapen.

– I fjor hadde vi drittvêr frå start, vi måtte jo blant anna avlysa Wig Wam-konserten fredagen.

– Men sola kom og gjestane kom, vi auka frå 70 til 200 gjestar på festivalcampen og hadde heile 580 båtar i hamna. Eg trur festen blir bra uansett og vêret truleg finare enn kva Yr.no spår akkurat i dag.

200.000 på to dagar

Kapasiteten på den største scenen, Fyret scene, er 5000 gjestar. Rekorden sette DDE med 4100 i fjor.

Når kapasiteten er stor startar gjerne også billettsalet seint, folk reknar med at det er ledig plass. Men i år kan det bli fullt fleire plassar.

– TOTO med fleire drar folk, i dag har vi selt for 110.000 kroner i billettar, søndag var det omtrent like gale, seier Sigvard.

Høgdepunkt - dag for dag

Tysnesfest startar onsdag og varer til og med søndag. Her er nokre av høgdepunkta, dag for dag:

ONSDAG: Babysonggudsteneste i Ugggdal kyrkje, klassisk konsert i Galleri Elisabeth og skip-inn kino i Våge hamn. Dirty Dancing står på plakaten.

TORSDAG: Klypa-show (Kjell Kjellen), konsertar med blant andre Kurt Nilsen og Erik og Kriss på kvelden.

FREDAG: Cruise med Twang Gang (MS Midthordland), konsert med blant andre Lucky Bullets, Ralph Myerz og TOTO.

LAURDAG: Sjørøvartokt, konsert med Stella Mwangi og show med Polkabjørn og Kleine Heine (Havno, dagtid), bluescruise med Big Men Bluesband, konsertar med blant andre Odd Nordstoga, Eva & The Heartmaker, Madcon og Hellbillies på kveldstid.

SØNDAG: New Orleans-inspirert dagen-derpå-gudsteneste, søndagsopne butikkar og konsert med Ole Edvard Antonsen.