Femte smittetilfelle i haust

Nok ein person frå Bjørnafjorden kommune er smitta.

Koronaviruset. (Foto: FHI)
Kjetil Vasby Bruarøy
Kjetil Vasby Bruarøyonsdag 26. aug. 2020 09:25

Fredag blei ei kvinne frå Bjørnafjorden kommune konstatert smitta av covid-19.

Dette var det 20. smittetilfellet i vår kommunesidan smitteutbrotet i mars, og det fjerde i august.

Etter det Midtsiden kjenner til, var det i går sett i gang smittesporing etter nok ein smitta person.

Midtsiden har ikkje lykkast i å nå smittevernlegane i Bjørnafjorden onsdag morgon, og kommunen har foreløpig ikkje publisert sak om smittetilfellet.

Men VG sin oversikt stadfestar at vi har auka frå totalt 20 til 21 smittetilfelle i Bjørnafjorden.

OPPDATERT: Kommunedirektør Christian F. Fotland stadfestar at det er eit nytt smittetilfelle i Bjørnafjorden.

– Det er ei kvinne i 20-åra. Alle ho har vore i nærkontakt med har blitt sjekka. Det kjem snart informasjon ut på heimesidene våre, seier Fotland.

Datoane* for dei smitta i Bjørnafjorden til no:
* dato for offentleggjering via kommunen. Vedkomande kan ha fått konstatert smitte dagen før.
11. mars: Mann i 50-åra, smitta etter utanlandsreise.
14. mars: Mann i 50-åra og mann i 30-åra, ein av dei etter utanlandsreise.
20. mars: Kvinne i 20-åra, den første smitta på Fusa-sida av kommunen.
21. mars: Mann og kvinne i 40-åra.
23. mars: Fire nye smittetilfelle. Alle er i nær relasjon til ein annan smitta. Kjønn og alder er ikkje opplyst om.
4. april: Kvinne i 30-åra. Første konstaterte smitta på 12 dagar.
7. og 8. april: Smittetilfelle nummer 13 og 14, ein mann i 20-åra og ei ti år gamal jente.
14. april: Ektepar i 70-åra.
10. august: To i 20-åra etter utanlandstur.
(14. august: Soldat smitta i Ulven leir)
17. august: Mann i 20-åra smitta etter lengre opphald i utlandet.
21. august: Kvinne i 20-åra smitta innanlands, men i ein annan kommune.
26. august: Kvinne i 20-åra. Ho har vore i nærkontakt med kvinna som blei konstatert smitta 21. august, og er med andre ord den første i haust som er smitta internt i Bjørnafjorden kommune.
Alle dei fem smittetilfella i august er på Os-sida av kommunen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.