Ferdig strigla til påske
Ny grus og nye bålpanner på plass ved Knutabruo.
- Midtsiden startar utsending av gratis nyheitsbrev på epost - meld deg på her
Området rundt Knutabruo, på austsida av elva, har fått ein finpuss før påske.
Det populære turområdet har to gapahukar og fleire rasteplassar.
– Vi har kjøpt to nye bålpanner, så no er det seks bålpanner i området, fortel Brukameratane Harald Døsen, Bernt «Sogna-Bernt» Norevik Larsen og Peder Fløysand.
Dei håper folk er flinke å bruka pannene, og at dei tar med seg eingongsgrill, om dei har brukt dette i staden. Bålpannene skal stå igjen.
– Vi har dessverre opplevd at bålpanne har blitt stolen, men det skjer heldigvis ikkje så ofte, seier dugnadsgjengen.
Stien ned mot gapahuken ved elva har òg fått ny grus.
– Vi takka Fløysand Tak og Gudmund Fløysand for sponsing, dei donerte og leverte vaska grus til oss.
Området er særleg mykje brukt i desse dagar, når vaksne skal lufta hovudet etter ein dag på heimekontor, og ungdom ikkje får gå på øving eller trening grunna tiltak mot koronaviruset.
Det er venta mange turgåarar i påsken, som blir utan hytte- eller sydentur for dei fleste.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.