"Festbråk" og fyllekøyring

I 23-tida laurdag kveld fekk politet melding om at ein fest på Søfteland skulle ha komme ut av kontroll og at det skulle vera ungdommar under 15 år som var berusa.

– I tillegg skulle det har vore slåsting på staden, fortel vakthavande betjent ved Os lensmannskontor.

– Då vi kom fra til staden viste det seg at foreldra var heime i andre høgda, og at det ikkje var slik som meldinga kom inn til oss.

– Truleg var det nokon som ikkje var beden på festen som ringte inn til oss.

– Det kom fram då vi var der at ein skulle ha slått til ein annan, men dette må den fornærma melde til oss som eigen sak.

– Vi valde å ikkje gjera noko meir med saka då foreldra var til stades, og alt såg ut til å vera under kontroll, fortel politiet.

Fyllekøyrde

Litt før klokka eitt natt til sundag fekk politiet melding om ein mogleg ruspåverka førar som køyrde frå Essoen opp Mobergsbakkane.

– Vi traff ikkje bilen og føraren med ein gong, men kom over den etter ei lita stund.

– Føraren blåste til over lovleg grense og blei teken med til blodprøvetaking før han blei skyssa heim.

Mannen i midten av 30-åra mista førarkortet.

Knust rute og fyllebråk

Det har òg kome inn melding om ei knust bilrute på ein bil som sto parkert langs byvegen nær Os sentrum.

– Der såg det ikkje ut som om noke var stole, så eigar vil melda saka som skadeverk.

– Vi måtte òg bortvise ein frå Os sentrum klokka 0145 i natt grunna ordenforstyrrelser, avsluttar vakthavande betjent ved Os lensmannskontor.