Fetrane fiska mest
Henrik og Kristian Bakke fekk flest kilo då kystsogedagane opna med fiskekonkurranse i Øyane.
Bildeserie:
Kystsogevekene er samla sett eit av dei største kulturarrangementa i Noreg, der Gulen i Sogn og Fjordane og 22 kommunar i Hordaland årleg samarbeider om ei lang rekke arrangement langs vestlandskysten.
I Os blir det markert over 2-3 helger frå år til år, kystsogedagane, med opning i Øyane følgt av Bondens Dag og Oselvarfestivalen i Os sentrum.
Laurdag var det kystsogefest i Søre Øyane med fiskekonkurranse i regi av Os Småfiskarlag og opning av separatutstilling ved Jan Erik Willgohs på Vedholmen Galleri.
102 unge og vaksne fiskarar stilte i konkurransen.
Førstemann til Fluo
Etter opningstale ved Eirik André Hesthamar (Frp) gjekk startskotet for fiskarane, der det for mange handla om å koma seg raskast mogleg ut til «Fluo». 10-15 båtar låg spreidd på og rundt Røtingafluo mens andre prøvde seg utanfor fyret på Røttingen eller nær oppdrettsanlegget utanfor Gulholmane.
Klokka 14.30, etter rundt fem timar på fjorden, var det innveging av fangsten og premiering av dei tre med størst samla fangst i kvar aldersklasse.
Fekk over 5 kilo kvar
I den yngste klassen var det best fangst og dei to som hadde dei tyngste posane med fisk var fetrane Henrik Bakke og Kristian Bakke.
Henrik fekk 5,6 kilo med fisk, Kristian 6,9 kilo. Ingen andre klassevinnarar fekk meir. På 3. plass i klassen under 10 år var Oscar Birkland.
Klasse 10 - 16 år
1. Fabian Vedholm (2,9 kilo)
2. Mathias Dale
3. Markus Fjæreide
Klasse over 16 år
1. Hilde Revheim (2,2 kilo)
2. Trygve Lerch Dahl
3. Johnny Dale
Fiskarane fekk mest sei, men det beit også lyr, brosme og lange på kroken i dag.
Midtsiden samleside: Jakt og fiske