Film frå festivalen

Søfteland Rock 'n' LoL dobla besøkstalet frå i fjor. Her kan du sjå film frå ein av dei livlegaste konsertane, og litt frå livet på "drus kæmp".

Kjetil Vasby Bruarøyfredag 31. juli 2009 10:41

17. og 18. juli var det for tredje år på rad rockefestival på Søfteland.

Brørne Andreas og William Lindborg auka frå 200 gjestar i 2007 til 600 gjestar i 2008 - i år var det utselt med 1200 på festival på garden til Olav Valle.

- Fredagen var det fullt med over 600, og jaggu kom det godt over 500 på den regntunge laurdagen òg.

- Vi kjem nok til å auka kapasiteten litt neste år, så vi kan ta imot rundt 1400. Men vi vil ikkje veksa for mykje, det skal vera ein intim festival, seier Andreas.

Her kan du sjå ein filmsnutt frå fredagen på festivalen, med klipp frå Lars Vaular sin konsert og livet på "drus kæmp", der det var nærmare 40 telt og ekte festivalstemning.
(Foto: Espen Iversen frå Varde Film & Media.)