Sport | 01. juli 2013

Fint føre - lite fisk

Sesongopning i Oselvo: Det var snev av optimisme i sone 2 - men den varte ikkje lenge.

Fint føre - lite fisk
– Det er 10 år sidan sist eg fiska i sone 2 på opningsnatta, sa ein nøgd Kjell Olsen ved Oselvo opningsnatta. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 01. juli 2013 09:18

Bildeserie:

Bra med vatn, lite vind og fin temperatur opningsnatta. (Foto: Kjetil Vasby Bruarøy)
Bra med vatn, lite vind og fin temperatur opningsnatta. (Foto: Kjetil Vasby Bruarøy)
Olaf Aven hadde fått kort i sone 1. (Foto: Kjetil Vasby Bruarøy)
Olaf Aven hadde fått kort i sone 1. (Foto: Kjetil Vasby Bruarøy)
Første kast. (Foto: Kjetil Vasby Bruarøy)
Første kast. (Foto: Kjetil Vasby Bruarøy)
Svein Hansen vann loddtrekninga om sone 2. (Foto: Kjetil Vasby Bruarøy)
Svein Hansen vann loddtrekninga om sone 2. (Foto: Kjetil Vasby Bruarøy)
Med seg hadde han Kjell Olsen, som fekk Oskar i 2010. (Foto: Kjetil Vasby Bruarøy)
Med seg hadde han Kjell Olsen, som fekk Oskar i 2010. (Foto: Kjetil Vasby Bruarøy)
På motsett side sto, som vanleg, Sjur Veim. (Foto: Kjetil Vasby Bruarøy)
På motsett side sto, som vanleg, Sjur Veim. (Foto: Kjetil Vasby Bruarøy)
Bård Lyssand i kjent positur. (Foto: Kjetil Vasby Bruarøy)
Bård Lyssand i kjent positur. (Foto: Kjetil Vasby Bruarøy)
1 av 7
Bra med vatn, lite vind og fin temperatur opningsnatta. (Foto: Kjetil Vasby Bruarøy)
Olaf Aven hadde fått kort i sone 1. (Foto: Kjetil Vasby Bruarøy)
Første kast. (Foto: Kjetil Vasby Bruarøy)
Svein Hansen vann loddtrekninga om sone 2. (Foto: Kjetil Vasby Bruarøy)
Med seg hadde han Kjell Olsen, som fekk Oskar i 2010. (Foto: Kjetil Vasby Bruarøy)
På motsett side sto, som vanleg, Sjur Veim. (Foto: Kjetil Vasby Bruarøy)
Bård Lyssand i kjent positur. (Foto: Kjetil Vasby Bruarøy)

Ved midnatt natt til 1. juli opna årets fiske i Oselvo, to veker tidlegare enn i fjor, fleire veker seinare enn det som har vore mest vanleg dato for sesongstart dei siste åra.

– Det er betre vêr og meir vatn enn venta. Eg skulle gjerne vore éin sone opp, men er nøgd med å ha fått kort til opningsnatta, sa Olaf Aven ti minutt før start i sone 1.

Aven er frå Lindås, men jobbar på Os vidaregåande skule og har dei siste 7-8 åra vore aktivt medlem i Os Jakt og Fiskelag.

– Det blei lite fangst på meg i fjor, men det er no kjekt å fiska i Oselvo likevel, synest han.

– Midt i blinken

Svein Hansen frå Fana var heldig og vann loddtrekninga om den attraktive plassen i sone 2 opningsnatta.

– Dette er midt i blinken! sa Hansen minuttet før fisket starta.

– Det er to år sidan sist eg fiska på opningsnatta, då hadde eg kort i sone 4 og tok to laks, seier han.

Hansen har fiska saman med Kjell Olsen sidan 70-talet. Olsen, som fekk Oskar (første laks av medlem i Os JFL) i 2010, var også med i natt.

– Det er 10 år sidan sist eg fiska i sone 2 på opningsnatta. Forholda er uventa fine, regnet som kom laurdag har gjort elva fin, i tillegg er det lite vind og fin temperatur.

– No spørs det om det står fisk her, seier Olsen spent.

Kasta inn handkledet

På motsett side av elva sto som vanleg Bård Lyssand og Sjur Veim med kvar si stang.

Den første timen gjekk utan at nokon fekk fisk - eller napp.

– Eg hadde noko lite på kroken, men fekk det av igjen, seier Veim.

Olsen hadde mest tru på grålysinga, men blei verande å fiska med Hansen gjennom natta.

Lyssand og Veim tok turen heim igjen for å prøva igjen seinare.

Det har førebels, så vidt Midtsiden kjenner til, ikkje kome melding om fangst i Oselvo.

Har du fått fisk? Tips Midtsiden på 907 89 270 eller kjetil@midtsiden.no.

Midtsiden samleside: Jakt og fiske

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.