Fint til skulestart
Torsdag startar skulen igjen. Dei tre siste dagane av ferien tydar på å bli fine.
Sundagen blei ikkje heilt som meterologane hadde forutsett. Det lave skydekket som mellomanna låg over Os letta ikkje og det blei ein heller grå dag.
Måndagen har starta skyfri med 12-13 gradar. Og, om meterologane denne gangen får rett, skal det halde seg heile dagen. Temperaturen skal stiga opp i 20 gradar, sola skal skine og vi får flau eller svak vind opp til 3 meter per sekund.
Tysdagen og onsdagen skal bli ganske like med nokre skyar med framleis temperaturar rundt 20 gradar. Vinden held seg framleis like flau som måndagen, i følgje yr.no
Grå skulestart
Torsdag startar kvardagen igjen for dei mange elevane i grunnskulane på Os. Værmessig tydar meldingane på at det blir ein grå, men varm skulestart. Overskya, men 24 gradar og uten regn. Framleis lite vind.
Fredagen blir igjen fin, før vi til helga kan venta oss nokre regndråpar igjen i følgje meterologane. Samstundes tek dei førbehald om at varsla er noko usikre mot slutten av veka, så det er håp i hengande snøre.