Fire tatt på fersken
Politiet tok hand om éin båttjuv og tre biltjuvar på éin dag.
Politiet i Os og Bergen fekk tre osingar og éin austlending å handtera i løpet av torsdagen.
- Ein kar frå Austlandet kom innom og ba om hjelp. Det viste seg at han hadde kjørt frå Halden til Os i ein stolen bil, fortel politiførstebetjent Audun Hadler-Olsen.
Den stolne bilen, ein VW, sto parkert uskadd utanfor lensmannskontoret. Mannen blei tatt hand om av helsevesenet.
Osing stal båt i Fusa
I 20-tida torsdag kveld stoppa Kjølen ein båtførar i stolen båt.
- Båten var stolen i Fusa. Om bord låg ein del utstyr vi trur kan stamma frå tjuveri frå naust i området der båten blei tatt.
Mannen, ein osing i 30-åra, er plasser i arresten.
Prøvde å stela bil nr 2
Dei gjorde omtrent alt gale, dei to osingane som blei tatt av politiet i Laksevåg i går.
- Bilen var stolen, skilta var stolen, ingen av dei hadde førarkort og dei var i ferd med å stela bil nummer to. I tillegg blei det funnen narkotika i bilen, ramsar Hadler-Olsen opp.
Også dette er menn i 30-åra.
I dag kjem politiet i Os til å ransaka bustadane til både han som blei tatt i stolen båt og dei to som kjørte stolen bil i Bergen.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.