Fisk i fokus
Trivselen familiebarnehage med Fiskesprell for å gje barna smak på fisk og sjømat.
Bildeserie:
Den minste barnehagen i Os, Trivselen familiebarnehage, er som fleire av dei større barnehagane med i eit opplegg frå Hordaland Fylkeskommune kalla "Fiskesprell".
– Tanken bak er at vi skal få kjennskap til og opplæring i håndtering av fisk og sjømat.
– Ikkje minst er det å finne ein god måte å tilretteleggja fisk og sjømat for ungane på ein sentral del av det heile, fortel dagleg leiar, Tina Herrevold.
Havfest for store og små
Familiebarnehagen har born opptil 3 år. I desse dagar går ein av dei store happeningane av stabelen når dei inviterer foreldra til karnevalet "Havfest".
– Vi arrangerte det også i fjor, men i å har vi utvida førebuingane til å strekkje seg over både februar og mars.
– På Havfest serverar vi rettar frå hav og natur, alt frå rå fisk til fiskepinnar a la Trivselen.
– I tillegg får foreldra oppleva noko av det kjekke vi held på med, seier Herrevold.
Laga akvarium
Eit av dei kjekke møta foreldra får med barnehagen denne gongen er eit gedigent akvarium.
– I år hadde vi lyst til å ta han heilt ut.
– Eit av romma i barnehagen har vi malt som eit akvarium på både tak og veggar.
– Her har ungane fått dekorera med sjølvplukka skjell, dekor funnen på loppemarknad og anna pynt dei har laga i barnehagen.
– Vi gler oss til å få presentere dette for foreldra.
Viktig for språket
Sjølv om dei har innreia eit eige rom som akvarium går hav igjen i heile barnehagen.
– Vi nyttar gjenstander frå havet bevisst for å auke språkforståinga og omgjev oss med havrelaterte element på alle rom, frå stelleplass til leke og opphaldsrom.
– Målet er å gjera barna kjende med ulike smakar av havets skattekiste og visuelt gje dei gode sanseinntrykk som igjen stimulerar dei til samtalar med kvarandre og oss vaksen.
– Det vi vaksne viser interesse for vil også barna finne interessant, avsluttar Herrevold.