Fleire meldingar om pågåande roseseljarar

I starten på veka har politiet fått melding frå tre ulike nabolag om pågåande, utanlandske seljarar.

– Dei har kome på døra for å selja roser, men i nokre tilfelle ikkje tatt eit nei for eit nei, fortel politiførstebetjent Thomas Juulseth.

Han kjenner til at tilsvarande har vore varsla blant anna i Fana og lengre sør i fylket.

– Folk har opplevd dei som pågåande og ubehagelege. Patruljen var ute, men møtte ikkje seljarane.

Natt til torsdag fekk politiet melding om krangel på ei adresse på Nore Neset. Det var partane sjølv som kontakta politiet.

– Det løyste seg før det blei ein fysisk konflikt. Ein av partane gjekk frå staden.

Torsdag formiddag fekk politiet melding om ein båt på rek innanfor Halhjem ferjekai. Båten blei taua til land og eigar blei varsla.