Fleire nye redningsstigar i Os hamn

Etter ein gjennomgang av tryggleiken i Os hamn bestemte kommunen seg for å sørgja for fleire sjansar til å koma seg i land.

I går gjekk monteringa for fullt.

– Dette er stigar meint som redningsstigar om nokon skulle vera så uheldig å ramla på sjøen. Vi får håpa det ikkje blir bruk for dei, seier Per Atle Arefjord frå teknisk eining Bjørnafjorden kommune.

Made in Hegglandsdalen

Mens fleire bransjar slit med varelevering grunna etterdønningar av Suez-trøbbelet i vår, og mangel på konteinarar, trengte ikkje kommunen venta lenge på å stigane leverte.

– Dei er bestilt lokalt, produsert av Vestmekaniske. Dei har vore heilt eksemplariske å samarbeida med, effektive og venlege på pris, seier Arefjord.

Foreløpig fem stigar

I denne omgang har det blitt montert fem stigar.

– No har vi montert to på industrikaien, to på hurtigbåtkaien og éin ytst på moloen ved bubilparkeringa på Steinneset.

I tillegg vurderer kommunen fleire monteringar i Os hamn.

– Vi ser auka bruk på gjestebrygga ved Os sjøfront. Der er det mykje aktivitet med bading og fisking. Her er det berre nokre tynne armeringsjern som folk klatrar på, så vi vurderer å bestilla fire stigar til, Arefjord.