– Fleire ventar på neste trinn
Denne veka kom bygginga i Solstrandvegen i gang. No førebur StorBergen salsstart på neste trinn.
Bildeserie:
I slutten av april var første salsmøte, dagen etter hadde StorBergen Boligbyggelag selt 11 av 23 leilegheiter i det nye prosjektet i Solstrandvegen.
Det var nok til at byggestart blei vedtatt og i sommar kom oppstartløyvet.
– Bygginga av første trinn, hus B og C, startar i desse dagar, sa eigedomsmeklar i StorBergen, Kristin Stave, til Midtsiden før helga.
No er første maskina i gang med å grava på tomta. Innflytting i dei første husa blir hausten 2016.
13 nye i neste trinn
Tomta skal til totalt få tre hus med til saman 36 leilegheiter.
– Vi ligg framleis med 11 selte av 23 i første trinn, men har inntrykk av at fleire ventar på neste trinn.
– Dei tre husa, A, B og C, er identiske. Men fleire av dei dyrare leilegheitene i hus B og C er selt, så vi driv no førebuande salsarbeid på hus A.
6 selte i Sjøfront 2
I sommar kom også oppstartløyve til StorBergen sitt prosjekt Sjøfront 2, som blei lagt ut for sal i september i fjor.
Kor tid det blir byggestart er likevel uvisst. Målet var første kvartal 2014.
Til no er det selt 6 av 37 leilegheiter, 5 av dei i inste del.