Føler osingane seg likestilte?

Lærarstudenter frå Os skal dei neste dagane gjera spørreundersøking i heimbygda.

Kjetil Vasby Bruarøyonsdag 29. sep. 2010 09:42

Osingane Kari Helen Berntsen og Gunn Merete Sundøy er studentar ved lærarhøgskulen på Landås. Då dei i samfunnsfag har om spørreundersøking og fekk i oppdrag å utføra ei slik, valte dei likestilling som tema.

- Vi vil ha svar på kva folk tenkjer om likestilling. Ein ting er kva statistikken seier, kva menn og kvinner i ulike yrker tenkjer om situasjonen kan vera noko anna, seier Kari Helen.

Saman med medstudentane Kristine Kvinge, Linn Eide og Marlene Strøm skal dei to jentene frå Os besøka fleire verksemder torsdag og fredag.

Offentleg og privat
Lærarstudentane vil spørja tilsette i både offentleg og privat sektor, i ulike bransjar.

- Vi har gjort avtale med Lurantunet og Os ungdomsskule, AMFI Os og Betonggulv, kvinnedominerte butikkbransjen og helse- og omsorgsfaget, den meir delte undervisingssektoren og det mannsdominerte golvstøyparfaget.

I tillegg skal ei mannsdominert bedrift på Nesttun få besøk av dei fem studentane.

Eitt spørsmål
Undersøkinga er ikkje omfattande, studentene skal ifølgje oppgåva berre stilla eitt spørsmål.

- Spørsmålet blir generelt, om dei synes menn og kvinner er likestilte i Noreg når det gjeld tilgang på jobb, lønsvilkår og husarbeid. Vi har sett opp svaralternativ med ulike gradar av kor eining dei måtte vera i dette.

- I tillegg kjem innleiande spørsmål for å setja den som svarer i eiga gruppe, alder, kjønn og bransje dei jobbar i.

Når undersøkinga er gjort og tala handsama i programmet studentane får undervising i kan du lesa om resultatet på Midtsiden.no.

Nokre nøkkeltal om likestilling i Noreg
• 2 av 3 kvinner er sysselsette
• 2 av 5 sysselsette kvinner jobber deltid
• Kvinners månadsløn utgjorde i snitt 85,0 prosent av menns månadsløn i 2008.
• 7 av 10 leiarar er menn
• 40,1 prosent av styrerepresentantene i allmennaksjeselskaper er kvinner
• 2 av 5 stortingsrepresentanter er kvinner
• 87,2 prosent av barn i alderen 1-5 år gjekk i barnehage i 2008
• Frå 1986 og fram til i dag har snittsalderen ved første fødsel auka frå 25 år til 28 år.
Kjelde: ssb.no