– Folk blir heilt hekta
Catten satsar på ein leiken vår og utvider opningstidene for å laga spelekveldar på to nymonterte shuffleboard.
Bildeserie:
Denne veka blei to 5,60 meter lange shuffleboard løfta inn vindauga på nattklubben Catten i Os sentrum.
Med dei nye installasjonane er det opna for ein heilt ny idrett i Os.
– Folk blir heilt hekta på dette! I Bergen er det veldig populært, no vil vi sjå om osingane får sans for dette kjekke spelet, seier Bjarte.
1 mot 1 eller 4 mot 4
Shuffleboard kan spelast på bakken utandørs eller på bord, deck shuffleboard, innandørs.
Spelet kan minna om curling, det puckar glir på strøsand på parkett, mot poenggjevande linjer på motsett side av bordet. Bordet har også grøster, som ein bowlingbane, så her gjeld det å vera stø på handa.
Det kan spelast 1 mot 1, 2 mot 2 eller 4 mot 4, der kvar spelar eller kvart lag har fire puckar kvar.
Opnar søndagar og onsdagar
Med det nye tilbodet kjører Catten no på med nærmast ei dobling av opningstidene.
– Førstkomande onsdag blir første spelekveld. Frå denne dagen har vi ope kvar onsdag og søndag i tillegg til torsdag, fredag og laurdag, som vi allereie har quiz, pub og nattklubb.
– Kan folk også spela dei andre kveldane?
– Under quizen vil vi helst ha det roleg i lokalet, men vi kjem til å ta det litt etterkvart.
– Men fredag kveld, dei første timane etter opning, er nok ei fin tid å spela på, i tillegg til dei to spelekveldane.
Les meir om shuffleboard og reglar på Wikipedia (engelsk) og på den norske sida shuffleboardnorge.no.