Førarkortbeslag etter frontkollisjon

Bildeserie:

1 av 2

Litt før klokka 15 tysdag kom det melding om trafikkulykke på Ulvenvegen ved Svegatjørn.

To bilar hadde kollidert front mot front.

– Ein bil på veg sør mot rundkøyringa kom over i feil felt og kolliderte med ein bil som kom frå Halhjemsvegen og ut avrundkøyringa, fortel politioverbetjent Anne Lyssand.

– Eg høyrde eit kort kvin av bremsing, så kom ein kjempesmell, fortel eit vitne til Midtsiden.

Tok beslag i førarkortet

Begge bilførarane er menn i 60-åra, éin av dei frå Os, den andre frå Rogaland.

Det er tatt beslag i førarkortet til bilførar frå Rogaland, som kom over i feil køyrefelt. Han hadde ein kvinneleg passasjer med seg.

– Avhøyr blei tatt på staden, men eg finn ikkje forklaring om kvifor han kom over i feil felt, seier Lyssand.

Ingen skal ha blitt alvorleg skadd, men bilane måtte tauast vekk og det blei kø rundt ulykkesstaden i ein liten time etter samanstøyten.